Moskva va butun Rus patriarxi Kirill Falastin prezidenti Mahmud Abbosni Rus pravoslav cherkovining eng asosiy mukofotlaridan biri – I darajali Shuhrat va sharaf ordeni bilan mukofotladi. Bu haqda “TASS” xabar bermoqda.
Qayd etishlaricha, Mahmud Abbos “Rus pravoslav cherkovi va Falastin davlati o‘rtasidagi munosabatlar rivojlantirishga qo‘shgan hissasi uchun” orden bilan mukofotlangan.
“Ko‘rsatilgan ushbu iltifot Yaqin Sharqda tinchlikka erishish va mamlakatda tinchlik siyosatini qurish yo‘lida menga yanada katta mas’uliyat yuklaydi. Biz pravoslav birodarlarimiz bilan munosabatlarimizni yanada mustahkamlash uchun imkoni bor barcha choralarni ko‘ryapmiz va Rossiya xalqi tomonidan berilayotgan yordam uchun minnatdormiz”, - dedi Abbos.
Falastin prezidenti Mahmud Abbos ishchi tashrif bilan Moskvaga kelgan edi.
Izoh (0)