O‘znetda ko‘chmas mulk bozori bo‘yicha yagona milliy tizim ishga tushdi

O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi yagona milliy multilisting tizimi (YaMMLT) ishga tushgani haqida xabar berdi.

YaMMLT davlat axborot manbasi bo‘lib, uning asosiy vazifasi respublika aholisining keng qatlamlarini ko‘chmas mulk bozorining turli yo‘nalishlaridagi vaziyatlar haqida ishonchli, tekshirilgan va tezkor xabarlar bilan ta’minlashdan iborat. Undagi ma’lumotlar ko‘chmas mulk bilan amalga oshiriladigan operatsiyalar — sotib olish, sotish, ijaraga berish kabilarni ham o‘z ichiga oladi.

Shu maqsadda Uzmls.uz sayti yaratildi. Qo‘mita rieltorlik tashkilotlari, ko‘chmas mulk egalari va YaMMLTni rivojlantirishga qiziqqan kishilarni o‘zaro manfaatli hamkorlikka chorlab qoladi.