Yangi Angren—Pop temir yo‘lining o‘ziga xos qismi 19 kilometrli tunneldan iborat bo‘ladi. Uning qurilishi bilan Xitoyning China Railway Tunnel Group kompaniyasi mingdan ortiq mutaxassislari shug‘ullanmoqda, deb yozadi “Pravda Vostoka”.
Ularga yurtimizning 500 nafar temir yo‘lchilari yordamlashmoqda.Birgalikda ular tunnelning 7,3 kilometr qismini betonlab bo‘ldi. Rejalashtirilgan ishlarni amalga oshirishda eng zamonaviy texnika qo‘llanilmoqda.
Yangi temir yo‘l liniyasining umumiy uzunligi 123,1 kilometrni tashkil etadi. Tunneldan tashqari, bu yerda 285 ta sun’iy obyekt, 22 ta ko‘prik, oltita ko‘prik yo‘l bino etiladi. Shuningdek oltita temir yo‘l stansiyalari va ikkita vokzal qurilishi ko‘zda tutilgan.
Olib borilayotgan ishlarga xitoylik mutaxassislardan tashqari, uch mingdan oshiq o‘zbekistonlik temir yo‘lchilar jalb etilgan.
Izoh (0)