Toshkentdagi 28-maktab o‘quvchisi Cobo.uz saytidagi testlarni yechib, smartfon g‘olibiga aylandi

Cobo.uz sayti maktab o‘quvchilari, talabalar, kurs tinglovchilari va boshqa turdagi foydalanuvchilar uchun elektron darsliklarni taqdim etmoqda va ular asosida tanlovlar o‘tkazmoqda.

Bu kabi tanlovlar bolalarning mustaqil tarzda ta’lim olishlariga kuchli turtki berish usullaridan biridir. Yaxshi ta’lim nafaqat 10—15 yildan so‘ng, balki bir-ikki hafta ichida ham samara ko‘rsatadi. Ta’limning samarasi bolalar istaganidek bo‘lishi va ularga smartfon, planshet kabi sovg‘alarni keltirishi mumkin.

Cobo.uz o‘tkazayotgan tanlovlarda ishtirokchilar test savollariga javob berishlari kerak.

Tanlov g‘oliblari qimmatbaho sovg‘alar bilan taqdirlanadilar. Ilk tanlovning sovrinlari smartfonlardan tortib, basketbol to‘plarigacha bo‘ldi.

Birinchi tanlov 2014-yilning 15—21-dekabr kunlari o‘tkazildi. Unda 20 kishi g‘olib bo‘ldi, ulardan biri — Toshkentdagi 28-o‘rta maktab o‘quvchisi Kamoliddin Fatxuddinov bo‘lib, u o‘zbek tilida ta’lim oluvchi 7-sinflar o‘rtasida eng ko‘p ball to‘pladi hamda smartfon sohibi bo‘ldi.

2015-yilning 23-yanvaridan 5—9-sinflar o‘quvchilari uchun yangi tanlovlar start oladi. Cobo.uz barcha istovchilarni tanlovga chorlab qoladi. Bosh sovrin tariqasida 10 ta LG F-70 smartfoni o‘z egalarini topadi.

Cobo — bolalarga past narxda mustaqil tarzda qo‘shimcha ta’lim olishning yaxshi imkoniyatidir. Bunda testlar bilan mustahkamlangan bitta dars uchun 200 so‘m sarflanadi, bu bir o‘quvchi uchun oyiga o‘rtacha 3000 so‘mni tashkil qiladi.

“O‘g‘lim rus tilida ta’lim oluvchi 7-sinf o‘quvchilari ichida tanlov g‘olibiga aylandi. Sovrindor sifatida nima his qilayotgani haqidagi savolga javob berar ekan, u nima uchun o‘qiganini endi tushunib yetganini aytdi. Uning javobi menga ko‘p narsani oydinlashtirdi. Cobo o‘g‘limni yanada yaxshiroq o‘qishga undovchi turtki bo‘ldi”, — dedi tanlov g‘oliblaridan biri Vladislav Medvedevning onasi.

Cobo.uz saytidagi kontent o‘zbek va rus tillarida. Keng sohalarni qamrab olgan testlar davlat ta’lim dasturiga mutanosib bo‘lib, demografiya va madaniyatimizga moslashtirilgan. Kontent mahalliy mualliflar tomonidan tayyorlangan.