O‘zbekiston Tyumen (Rossiya)da savdo uyini ochdi, deya xabar bermoqda UzDaily. 2014-yil dekabrida O‘zbekistondan Tyumen viloyatiga meva va sabzavotlarni import qilish bilan shug‘ullanuvchi “Interflayt” MChJ savdo uyi ro‘yxatga olindi.
Tyumen viloyati Savdo-sanoat palatasi vakillari 2015-yil 14-yanvarda “O‘zinterimpeks” davlat aksiyadorlik tashqi savdo kompaniyasi xodimlari bilan uchrashdi.
Uchrashuvda Tyumenga meva-sabzavot mahsulotlarini to‘g‘ridan-to‘g‘ri yetkazib berishni tashkil etish bo‘yicha masalalar muhokama etildi.
“O‘zinteimpeks” eksport bo‘limi mutaxassisi Jamshid Yo‘ldoshev so‘zlariga ko‘ra, O‘zbekiston Tyumen to‘qimachilik sanoati ishlab chiqaruvchilari bilan uzoq muddatli hamkorlik o‘rnatishga qiziqish bildirgan.