O‘tgan hafta mobaynida respublikamiz hududida 210 ta yong‘in hodisalari sodir bo‘ldi, deya xabar bermoqda Ichki ishlar vazirligi matbuot xizmati.
Turli sabablarga ko‘ra sodir bo‘lgan yong‘inlarda 8 nafar fuqaro tan jarohatlari olgan va 5 nafar fuqaro halok bo‘lgan. Ushbu yong‘inlarda 576 million 697 ming so‘mdan ortiq qurilish materiallari va 420 million 475 ming so‘mga yaqin moddiy boyliklar yong‘indan saqlab qolingan.
Farg‘ona viloyati Yozyovon tumanida yashovchi X.Sodiqovning uyida xonaga o‘rnatilgan qo‘lbola elektr isitish pechini yoqib nazoratsiz qoldirish oqibatida yong‘in sodir bo‘lib, uyning 15 kv. metr maydonda pol qismi va ko‘rpa-to‘shaklari yonib zararlangan. Yong‘in o‘chirish vaqtida uy egasining 1 yoshli nabirasining kuygan holdagi jasadi topilgan.
Izoh (0)