Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси ягона миллий мультилистинг тизими (ЯММЛТ) ишга тушгани ҳақида хабар берди.
ЯММЛТ давлат ахборот манбаси бўлиб, унинг асосий вазифаси республика аҳолисининг кенг қатламларини кўчмас мулк бозорининг турли йўналишларидаги вазиятлар ҳақида ишончли, текширилган ва тезкор хабарлар билан таъминлашдан иборат. Ундаги маълумотлар кўчмас мулк билан амалга ошириладиган операциялар — сотиб олиш, сотиш, ижарага бериш кабиларни ҳам ўз ичига олади.
Шу мақсадда Uzmls.uz сайти яратилди. Қўмита риэлторлик ташкилотлари, кўчмас мулк эгалари ва ЯММЛТни ривожлантиришга қизиққан кишиларни ўзаро манфаатли ҳамкорликка чорлаб қолади.
Изоҳ (0)