Poraxo‘rlik bilan bog‘liq jinoyatlarda aybdor deb topilgan gongkonglik eng yirik developer Tomas Kvok besh yillik qamoq jazosiga mahkum etildi, deya xabar bermoqda Agence France-Presse.
Shuningdek, unga 1,1 million dollar miqdorida jarima to‘lash majburiyati yuklandi. Xuddi shu ish bo‘yicha sudlangan Gongkong ma’muriyati sobiq bosh kotibi Rafael Xuey 7,5 yilga ozodlikdan mahrum etildi.
Kvok va Xuey 2012-yilda hibsga olingan edi. Tergov davomida ma’lum bo‘lishicha, Xuey Kvokdan 3,7 million dollar hajmida pora olgan.
Tomas Kvok — Gongkongdagi eng yirik developerlik kompaniyasi Sun Hung Properties’ning egalaridan biri va sobiq rahbari. Poraxo‘rlik ishi bo‘yicha uning akasi va sherigi Reymond Kvok ham sudlangan, biroq protsess davomida undan barcha ayblar olib tashlandi.
Izoh (0)