Janubiy Koreyadagi Korea Hydro and Nuclear Power Co Ltd (KHNP) atom elektr stansiyalari operatorining kompyuter tizimlari xakerlar hujumiga uchradi. Bu haqda kompaniya bayonotiga tayanib, “Korrespondent.net” xabar berdi.
Xakerlar yadroviy moslamalar, jumladan mamlakatdagi 23 ta atom reaktorlari uchun xavf keltirishi mumkin bo‘lgan hech qanday ma’lumotlarni olmagan. Shunday bo‘lsa-da, ekspertlar ularning xavf ostida bo‘lishi mumkinligini ta’kidlamoqda.
Kompyuter tizimlariga hujum Shimoliy Koreyaning AQSh tomonidan Sony Pictures kinokompaniyasiga kiberhujumda ayblanayotgan bir paytda sodir bo‘lgani ekspertlar va OAVlarga ushbu xatti-harakatlar boshida ham KXDR turganini taxmin qilish uchun asos bo‘ldi.
Ayni paytda hukumat kiberhujum uyushtirilishi fakti bo‘yicha tergov ishlari olib bormoqda.
Izoh (0)