Qirg‘izistonning Issiqko‘l viloyatida ish beruvchilar voyaga yetmagan qizni 15 ming som va bitta qo‘y evaziga sotib yubordi, deya xabar bermoqda “KirTAG” viloyat Ichki ishlar boshqarmasiga tayanib.
“Ton tumani Ichki ishlar bo‘limiga Qorako‘l tumanida yashovchi 35 yoshli ayol murojaat qilib, 14 yoshli qizi oktabr oyida Ton tumanidagi tamaddixonada ishlash uchun jo‘nab ketgani, shundan buyon undan xabar yo‘qligini ma’lum qildi”, — deyiladi xabarda.
Tekshiruv davomida militsiya xodimlari tamaddixona ijarachilari qizni Chuy viloyatidagi Kichi-Kemin qishlog‘i fuqarosiga 15 ming som va bitta qo‘y evaziga berib yuborganini aniqladi.
Ayni paytda ushbu fakt bo‘yicha hujjatlar tergov organlariga topshirilgan, qiz oilasiga qaytarildi.
Izoh (0)