Kremlda Vladimir Putinning parlament deputatlari bilan an’anaviy yangi yil oldi uchrashuvida Federatsiya Kengashi raisi Valentina Matviyenko Siyosiy byuroning Qrimni Ukrainaga berish to‘g‘risidagi 1954-yilgi qarorini bekor qilishni taklif etdi. Bu haqda “Vedomosti” xabar berdi.
U bunday qonun loyihasini tayyorlash ishlari boshlanganini ma’lum qildi. Qonun loyihasi qishki sessiya boshida muhokamaga qo‘yiladi va yaqin oradagi majlislardan birida ko‘rib chiqiladi.
Davlat dumasining MDH ishlari bo‘yicha qo‘mitasi a’zosi Vasiliy Lixachyov fikricha, bunday qonunni qabul qilish uchun yetarli bo‘lgan barcha asoslar mavjud. “Qrimni topshirishda o‘sha vaqtda amalda bo‘lgan sobiq Ittifoq Konstitutsiyasi va boshqa me’yoriy hujjatlari buzilgan”, — dedi u.
Izoh (0)