Rossiyaning Qrimni bosib olishi tufayli Ukrainaga yetgan zarar 1 trillion grivnadan oshadi. Bu haqda Ukraina adliya vaziri Pavel Petrenko bayonotiga tayanib, “Segodnya.ua” xabar berdi.
Uning so‘zlariga ko‘ra, Qrim bilan aloqador zararning dastlabki qiymati 1 trillion 80 milliard grivnaga teng. Biroq mamlakat sharqidagi zarur obyektlardan foydalana olmaslik tufayli, Donbassdagi hisob-kitob olib borilmagan.
Adliya vaziri ushbu zararlar BMT sudida ishni ko‘rib chiqish uchun hisob-kitob qilinishini aytdi. “Birinchi navbatda terrorchilarning Rossiya tomonidan moliyalashtirilishi va qo‘llab-quvvatlanishi faktining tan olingani yuzasidan ish ko‘riladi”, — deya qo‘shimcha qildi u.
Izoh (0)