Rossiya Vashingtonning Kuba bilan diplomatik aloqalarni qayta tiklash qarorini ijobiy baholadi. Bu haqda Rossiya Federatsiyasi Tashqi ishlar vazirligi saytiga tayanib, “TASS” xabar berdi.
Vazirlik saytida keltirilishicha, “AQSh prezidenti Kubani izolyatsiya qilish bo‘yicha ko‘p yillik urinishlar samarasiz bo‘lganini tan oldi”. “Vashingtonda boshqa mamlakatlarga ham bunday sanksiyaviy bosim o‘tkazishning kelajagi yo‘q ekanligini tezroq anglab yetishlariga umid qilamiz”, — deyiladi xabarda.
17-dekabr, chorshanba kuni Barak Obama AQShning Kuba bilan aloqalarni tartibga keltira boshlaganini ma’lum qildi. AQSh moliya vazirligi “yaqin haftalar ichida” Kubaga nisbatan sanksiya rejimi susaytirilishini aytdi.
Izoh (0)