AQShning dushmanona siyosati tufayli KXDR yangi yadro sinovini o‘tkazishdan voz kecha olmaydi. Bu haqda mamlakatning BMTdagi doimiy vakili Cha Son Namga tayanib, “Segodnya.ua” xabar berdi.
BMT tomonidan e’lon qilingan ushbu bayonot Bosh Assambleyada qabul qilingan Shimoliy Koreya hukumatini o‘z fuqarolari huquqlarini qo‘pol ravishda buzishda ayblaydigan rezolyutsiyaga Pxenyanning tegishli javobi bo‘ldi.
“Mualliflari Yevropa Ittifoqi va Yaponiya bo‘lgan ushbu rezolyutsiya ortida AQSh tomonidan o‘tkazilayotgan dushmanona siyosat turibdi. Bundan maqsad KXDRdagi jamiyat tuzilmasini kuch bilan ag‘darishdir”, — deb yozdi KXDRning BMTdagi doimiy vakili Cha Son Nam.
“AQShning dushmanona siyosati KXDRni yangi yadro sinovlari o‘tkazish borasida o‘zini tiyishdan voz kechishga majbur qilmoqda”, — dedi u.
Izoh (0)