Shveysariya adliya va politsiya federal departamenti boshlig‘i, Sotsial-demokratik partiya vakilasi Simonetta Sommaruga 3-dekabr, chorshanba kuni 2015-yil uchun mamlakat prezidenti sifatida saylandi. Bu haqda “TASS” xabar berdi. Ovoz berish Bernda Federal majlis palatalarining birgalikdagi yig‘ilishida bo‘lib o‘tdi.
Iqtisodiyot, ta’lim va tadqiqot federal departamenti rahbari lavozimini egallab turgan “RDP. Liberallar” partiyasi a’zosi Iogann Shnayder-Amman esa vitse-prezident etib saylandi.
Shveysariya prezidenti va vitse-prezidenti hukumat a’zolari orasidan bir yil muddatga, keyingi muddat uchun qayta saylanish huquqisiz, rotatsiya tamoyili asosida saylanadi. Bungacha bir yil davomida vitse-prezident lavozimini egallab turgan vazir prezidentga aylanadi.
Shveysariyada prezident asosan vakillik funksiyalarini bajaradi. U na davlat rahbari, na hukumat rahbari hisoblanadi, shuningdek, boshqa vazirlarga ham rahbarlik qilmaydi.
Izoh (0)