AQShning Rochester universiteti tadqiqotchilari tajriba sichqonlari miyasiga inson miyasi hujayralarini ko‘chirib o‘tkazdi va ularning aql darajasini oshirdi. Bu haqda “Segodnya.ua” xabar berdi.
Doktor Stiven Goldman va uning hamkasblari sichqon miyasiga 300 mingta neyroglial hujayralar (asab to‘qimasining yordamchi hujayralari)ni kiritdi. Ular astrotsitlar (asab hujayralarini o‘rab, asab to‘qimasida tayanch tizimi rolini bajaruvchi yulduzsimon hujayralar)ga aylanib, sichqondagi glial hujayralarni to‘liq siqib chiqardi. Natijada sichqonlarning xotirasi va kognitiv qobiliyati yaxshilandi.
Endi olimlar glial hujayralarni aqlliroq hayvonlar — kalamushlar miyasiga ko‘chirib o‘tkazmoqchi.
Tadqiqotchilar fikricha, glial hujayralarni ko‘chirib o‘tkazish orqali skleroz kasalligiga chalingan bemorlarni davolash mumkin. Dastlabki sinovlarni 1—1,5 yil ichida boshlash rejalashtirilgan.
Izoh (0)