Checheniston rahbari Ramzan Qodirov kechasi Grozniyda paydo bo‘lgan qurolli shaxslarni yo‘q qilish bo‘yicha operatsiya davom etayotganini xabar qildi. Ayni paytgacha Matbuot uyidagi olti nafar bandit otib o‘ldirilgan.
“Jangarilarning bittasiyam tirik qolmaydi. Operatsiyani o‘zim boshqarmoqdaman, — deb yozadi Qodirov o‘zining Facebook’dagi sahifasida. — Bizning asosiy vazifamiz — tinch aholi orasida qurbonlar bo‘lishiga yo‘l qo‘ymaslik”.
Checheniston rahbari fuqarolardan operatsiya o‘tkazilayotgan hududda ko‘chalarga chiqmaslikni so‘rab qolgan.
Eslatib o‘tamiz, avvalroq Ramzan Qodirov Grozniyda shubhali qurollangan kishilar paydo bo‘lgani, yo‘l-patrul xizmati xodimlari mashinani to‘xtatishga uringanida, ularga qarata o‘t ochilgani, natijada uch nafar xodim halok bo‘lgani haqida xabar bergan edi.
Ta’qib qilish davomida taxminan besh-olti nafar bandit shahardagi matbuot uyiga kirib olgan, ayni paytda o‘sha yerda ularni zararsizlantirish bo‘yicha operatsiya o‘tkazilmoqda.
Izoh (0)