Yaponiya tashqi ishlar vazirligi Rossiyani Ukraina suverenitetini buzishda aybladi. Bu haqda tashqi ishlar vaziri Fumio Kisida Rossiya qo‘shinlarining qo‘shni davlat hududiga kiritilganiga ishora qilib, bayonot berdi, deb yozadi “Segodnya”.
“Biz chuqur hamdardlik bildiramiz. Bu mamlakat suverenitetining jiddiy ravishda buzilishidir. Biz ‘yettilik’ mamlakatlari bilan hamjihatlikda tegishli choralarni ko‘ramiz”, — dedi u.
Avvalroq Donetsk viloyatidagi Novoazovsk shahri, shuningdek Navoazovsk, Starobeshevk, Amvrosiyevsk tumanlaridagi qator aholi punktlari Rossiya harbiylari nazoratiga o‘tgani haqida xabar berilgan edi.
Dunyo mamlakatlari Ukrainadagi so‘nggi voqealarga nisbatan tezkorlik bilan munosabat bildira boshladi. Xususan, Angela Merkel va Barak Obama Rossiyaga qarshi sanksiyalarni keskinlashtirish zarurligini aytdi.
Izoh (0)