CNN nashri fotojurnalisti Jonatan Alpeyri ikki hafta davomida Donetskda bo‘lib, ayirmachilar dafn marosimidan reportaj tayyorlash uchun ruxsat olishga muvaffaq bo‘ldi, deb yozadi Korrespondent.net.
Fotomuxbir so‘zlariga ko‘ra, uning ishidagi eng katta qiyinchiliklardan biri “o‘zlarining so‘nggi qo‘rg‘onini ukrain hukumati kuchlaridan himoya qilayotgan” ayirmachilar bilan bevosita ish olib borishga to‘g‘ri kelgani bo‘ldi.
“Odatda ayirmachilar o‘z tomonlaridan qurbonlar sonini oshkor etmaslik maqsadida jurnalistlarni jangchilarining dafn marosimiga qo‘yishmaydi”, — deb yozadi Alpeyri.
Uning aytishicha, reportajda 18-avgust kuni Donetsk yaqinidagi qishloqda bo‘lib o‘tgan marosim aks etgan.
Biroq ruxsat berilganiga qaramay, marosimdan so‘ng uni hibsga olib, Donetskka keltirishdi va barcha kadrlarni o‘chirishga majbur qilishdi. “Ammo mehmonxonaga qaytganimizdan keyin rasmlarning hammasini qayta tiklashga muvaffaq bo‘ldik”, — deya aniqlik kiritdi fotomuxbir.
Izoh (0)