Qalin qor yog‘gani sababli Qamchiq dovoni 7-mart kuni vaqtincha yopilgani xabar qilingandi. FVVning xabar berishicha, dovonda qolib ketgan qariyb ming kishi mehmonxonaga joylashtirildi.
Qayd etilishicha, FVV, YPX va “Qamchiqavtoyo‘l” IYFUK xodimlari hamkorligida yo‘lni qordan tozalash, muzlamalar hosil bo‘lishining oldini olish va qum-tuz aralashmasini sepish ishlari olib borilmoqda. FVV qutqaruvchilari tomonidan nazorat tadbirlari olib borilib, yo‘lda qolib ketgan haydovchi va ularning avtotransport vositalariga yordam ko‘rsatilmoqda.
Shu bilan birga, xohlovchi yo‘lovchilar uchun FVVning isinish maskanlari tashkil etilgan. Favqulodda vaziyatlar vazirining topshirig‘i bilan joyda vazirning birinchi o‘rinbosari jarayonni muvofiqlashtirib bormoqda.
Shuningdek, Angren shahrida joylashgan 19 ta oshxona, 4 ta mehmonxonalarga 790 nafar erkak, 130 nafar ayol va 38 nafar bolalar vaqtincha joylashtirildi.
A-373 xalqaro avtomobil yo‘lining Qamchiq dovoni qismida avtomobillar harakati soat 14:30 dan vaqtincha yopildi. Maxsus texnikalar yordamida dovon yo‘lini qordan tozalash ishlari amalga oshirilmoqda.
-PV9ujTdF.jpg)
FVV matbuot xizmatining bildirishicha, ayni daqiqalarda vazirlik rahbarligida tegishli tashkilotlarning mutaxassislari tomonidan vaziyat oqibatlarini bartaraf etish borasida keng ko‘lamli profilaktik tadbirlar amalga oshirilmoqda.
Izoh (0)