Qamchiq dovonida avtomobillarda bolalarni belgilangan talablarga zid ravishda olib ketilayotgani aniqlandi. Bu haqda “Daryo” muxbiri Azizbek Abduvaliyev xabar bermoqda.
“Namangan” yo‘l-patrul maskanida Transport nazorati inspeksiyasi Namangan viloyat hududiy bo‘limi xodimlari tomonidan KIA Carnival, Honda, JAC va Damas rusumli avtotransport vositalari to‘xtatilib tekshirilganda, ularda jami 35 nafar o‘quvchi bola Toshkent shahrida o‘tkaziladigan sport musobaqasida ishtirok etish uchun olib ketilayotganligi aniqlandi.
Surishtiruvlar natijasida bolalarni tashishda hukumat qarorining tegishli talablari buzilgani aniqlandi. Xususan, mazkur avtotransport vositalari yo‘l harakati xavfsizligi tuzilmalari kuzatuv avtomobillarisiz harakatlangan, soha mutasaddilari ogohlantirilmagan, yetakchilar biriktilmagan, qolaversa, ulardagi bolalar soni belgilangan meʼyorlardan ko‘p bo‘lgan.
Haydovchilarga bu haqda batafsil tushuntirildi va ularning avtomobillari ortga qaytarildi.
Izoh (0)