Andijon shahrining “Paxtaobod” mahallasi hududidan o‘tgan A.Yo‘ldoshev ko‘chasida 9-dekabr kuni soat 16:00 larda Lacetti yonib ketdi. Bu haqda viloyat IIB JXX YHXB axborot xizmati xabar berdi.
Maʼlum qilinishicha, 1972-yilda tug‘ilgan Z.X. boshqaruvidagi Lacetti avtomashinasining old qismida elektr sim o‘tkazgichlardan chiqqan qisqa tutashuv oqibatida yong‘in sodir bo‘lgan.
Ko‘rilgan tezkor choralar natijasida ushbu yong‘in shahar FVB xodimlari tomonidan to‘liq bartaraf etilgan.
Hodisa oqibatida avtomashina moddiy zararlangan, tan jarohati olgan shaxslar mavjud emas.
Holat yuzasidan shahar FVBning masʼul xodimlari tomonidan surishtiruv ishlari olib borilmoqda.
Izoh (0)