Qamchiq dovonida portlatish ishlari amalga oshirilishi sababli harakat vaqtincha cheklandi. Bu haqda YHXX xabar berdi.
Ma’lum qilinishicha, Qamchiq dovoni hududidan o‘tuvchi A-373 avtomobil yo‘lining 254,6 va 258-kilometrlari oralig‘ida tabiiy ofat oqibatlarini bartaraf etish maqsadida burg‘ilash va portlatish ishlari amalga oshirilishi munosabati bilan bugun, 18-sentyabr kuni soat 10:00 dan boshlab ushbu hududda transport harakati vaqtincha cheklandi.
Shuningdek, FVV dovon qayta ochilishi bo‘yicha qo‘shimcha ma’lumot taqdim etilishini ma’lum qildi.
Bundan avval Qamchiq dovonida yuk mashinasi tormozi ishlamay qolishi oqibatida sodir bo‘lgan YTHda ikki kishi halok bo‘lgani haqida xabar berilgandi.
Izoh (0)