Avvalroq Namanganda Gentra haydovchisi yo‘lni kesib o‘tayotgan piyodani urib yuborgani haqida xabar berilgandi. Viloyat IIBning xabariga ko‘ra, avtomashina haydovchisi ushlandi.
Maʼlum qilinishicha, olib borilgan tezkor qidiruv ishlari natijasida ushbu avtomashina hamda uning haydovchisi topildi.
Ushbu YTHni sodir etgan shaxs Namangan shahrida yashovchi 1997-yilda tug‘ilgan fuqaro ekani aniqlangan.
Holat yuzasidan qonuniy chora ko‘rish uchun haydovchi va avtomashina tergov bo‘limiga topshirilgan.
YTH 11-fevral kuni soat 06:40 larda sodir bo‘lgan. Noma’lum shaxs o‘zining boshqaruvida bo‘lgan Gentra’da Namangan shahar, A.Temur ko‘chasida harakatlanib, yo‘lni kesib o‘tayotgan piyoda — Namangan shahrida yashovchi, 1958-yilda tug‘ilgan fuqaroni urib yuborib, hodisa joyidan yashiringan.
Natijada piyoda olgan tan jarohati sababli voqea joyida vafot etgan. Holat yuzasidan jinoyat ishi qo‘zg‘atilgan.
Izoh (0)