Toshkent shahar IIBB Yo‘l harakati xavfsizligi boshqarmasi Mirobod tumanida sodir bo‘lgan yo‘l-transport hodisasi bo‘yicha maʼlumot berdi.
Qayd etilishicha, 9-may kuni soat 19:30 larda Mirobod tumani Islom Karimov—Taras Shevchenko ko‘chalari kesishgan chorrahada ikkita avtomashina ishtirokida YTH sodir bo‘lgan. 23 yoshli Sh.I. boshqaruvida bo‘lgan Lacetti va 50 yoshli O.N. boshqaruvida bo‘lgan Lacetti bilan to‘qnashgan.
YTH oqibatida tan jarohat olganlar yo‘q. Holat yuzasidan Toshkent shahar IIBB Yo‘l harakati xavfsizligi boshqarmasi masʼul xodimlari tomonidan surishtiruv ishlari olib borilmoqda.
Bundan oldin Toshkentda sodir bo‘lgan yo‘l-transport hodisasi oqibatida bir kishi vafot etgani, Surxondaryoda odam o‘limi bilan bog‘liq avariya sodir bo‘lgani, Toshkentda Tesla hamda Lacetti bir-biri bilan to‘qnashgani to‘g‘risida xabar berilgandi.
Izoh (0)