AQSH prezidenti Donald Tramp 14-may kuni Ar-Riyodda Suriya muvaqqat prezidenti Ahmad ash-Shara’a bilan muzokara olib bordi. Bu haqda Associated Press xabar berdi.
Oq uy matbuot kotibi Karolin Levitt uchrashuvning ayrim tafsilotlari bilan bo‘lishdi. Unga ko‘ra, Tramp muzokaralarda Suriya prezidentidan Isroilni diplomatik jihatdan tan olishni, “barcha xorijiy terrorchilarni Suriyadan chiqarib yuborishni” so‘ragan. Siyosatchi ISHIDning har qanday qayta tiklanishini to‘xtatishda AQSHga yordam berishga chaqirgan. U Suriyani Isroil bilan Ibrohim kelishuvini imzolashga chorlagan.
Bundan tashqari, AQSH prezidenti Suriya hukumatidan ISHID jangarilari saqlanayotgan tergov izolyatorlari uchun “javobgarlikni o‘z zimmasiga olishni” aytgan. Suriya prezidenti esa mamlakatdagi neft va gazga Amerika kompaniyalarini sarmoya kiritishga taklif qilgan. U Suriya sharq va g‘arb o‘rtasidagi savdoni osonlashtirishda muhim bo‘g‘in bo‘lib xizmat qilishiga umid bildirgan.
-XZpdUMDK.avif)
Ash-Shara’a amerikalik hamkasbi, valiahd shahzoda va Turkiya prezidentiga uchrashuvni o‘tkazishdagi sa’y-harakatlari uchun minnatdorlik bildirgan. Terrorizmga qarshi kurash va kimyoviy qurollarni yo‘q qilishda AQSH va Suriyaning umumiy manfaatlarini e’tirof etgan. Tomonlar Ukrainadagi va G‘azo sektoridagi urushni ham muhokama qilgan. Bu AQSH va Suriya rahbarlari o‘rtasidagi 25 yil ichidagi birinchi uchrashuvdir.
Izoh (0)