АҚШ президенти Дональд Трамп 14 май куни Ар-Риёдда Сурия муваққат президенти Аҳмад аш-Шараъа билан музокара олиб борди. Бу ҳақда Associated Press хабар берди.
Оқ уй матбуот котиби Каролин Левитт учрашувнинг айрим тафсилотлари билан бўлишди. Унга кўра, Трамп музокараларда Сурия президентидан Исроилни дипломатик жиҳатдан тан олишни, “барча хорижий террорчиларни Суриядан чиқариб юборишни” сўраган. Сиёсатчи ИШИДнинг ҳар қандай қайта тикланишини тўхтатишда АҚШга ёрдам беришга чақирган. У Сурияни Исроил билан Иброҳим келишувини имзолашга чорлаган.
Бундан ташқари, АҚШ президенти Сурия ҳукуматидан ИШИД жангарилари сақланаётган тергов изоляторлари учун “жавобгарликни ўз зиммасига олишни” айтган. Сурия президенти эса мамлакатдаги нефть ва газга Америка компанияларини сармоя киритишга таклиф қилган. У Сурия шарқ ва ғарб ўртасидаги савдони осонлаштиришда муҳим бўғин бўлиб хизмат қилишига умид билдирган.
-XZpdUMDK.avif)
Аш-Шараъа америкалик ҳамкасби, валиаҳд шаҳзода ва Туркия президентига учрашувни ўтказишдаги саъй-ҳаракатлари учун миннатдорлик билдирган. Терроризмга қарши кураш ва кимёвий қуролларни йўқ қилишда АҚШ ва Суриянинг умумий манфаатларини эътироф этган. Томонлар Украинадаги ва Ғазо секторидаги урушни ҳам муҳокама қилган. Бу АҚШ ва Сурия раҳбарлари ўртасидаги 25 йил ичидаги биринчи учрашувдир.
Изоҳ (0)