Turkiyada yashash uchun ruxsatnomaga ega o‘zbeklar soni 58,4 mingni tashkil etmoqda. Bu haqda Turkiya IIV xabar berdi.
E’lon qilingan ma’lumotda Turkiyada mazkur ruxsatnoma bilan yashayotgan barcha xorijliklar ro‘yxati keltirilgan. Unga ko‘ra, yashash ruxsatnomasiga ega xorijliklar soni 1,7 mln nafardan oshgan. Ro‘yxatdan yetakchi o‘rinlarda Turkmaniston (122 ming), Ozarbayjon (85,3 ming) va Rossiya (81,4 ming) fuqarolari bo‘lgan.
Keyingi o‘rinlarda Eron (76,4 ming), Suriya (73 ming) va Iroq (67,4 ming) turadi. O‘zbekiston ushbu ro‘yxatda yettinchi o‘rinni egallagan.
Milliy statistika qo‘mitasi ma’lumotlariga ko‘ra, 2025-yilning yanvar—fevral oylarida jami 22,5 ming nafar Turkiya fuqarolari turistik maqsadlarda O‘zbekistonga tashrif buyurgan.
Bu ko‘rsatkich o‘tgan yilning mos davri bilan solishtirilganda 8,3 ming nafarga yoki 57,8 foizga oshgan. Joriy yilning yanvar—fevral oylarida O‘zbekistonga Turkiya fuqarolari quyidagi safar maqsadlari bo‘yicha tashrif buyurgan:
- xizmat yuzasidan — 9 396 nafar;
- sayyohlik — 6 884 nafar ;
- qarindoshlarni yo‘qlash — 6 069 nafar;
- tijorat — 92 nafar;
- o‘qish — 68 nafar;
- davolanish — 11 nafar.
Izoh (0)