Buyuk Britaniyaning Cheshir politsiyasi qoidabuzarlikni aniqlashda sun’iy intellektdan foydalanishni boshlagan mamlakatdagi birinchi organ bo‘ldi. Bu haqda BBC xabar berdi.
Sun’iy intellekt (SI) gumonlanuvchilarning xulq-atvor namunalarini ancha oldingi bosqichlarda aniqlashga imkon berishi aytilmoqda. SI hech qachon inson omilining o‘rnini bosa olmasa-da, xodimlarning hozirgi faoliyatini takomillashtirishga yordam beradi.
Cheshir politsiyasining ma’lum qilishicha, SI hodisalar haqidagi xabarlarni ancha oldin, yaʼni politsiya jabrlanuvchilar bilan endi ish boshlaganidayoq tahlil qilib natija chiqarib berishi mumkin.
Hozirgi kunda inson politsiyachilar kuniga odatda 10 ta holatni ko‘rib chiqadi. SI esa bu raqamni bir necha bor ko‘paytirishiga umid qilinmoqda. Boshqacha aytganda, SI inson izquvarga qaraganda 25 marta samaraliroq ish bajarishi aniqlangan.
Politsiya taqdim etgan ma’lumotlardan foydalanib, SI algoritmiga dastlab ta’qib qilish xatti-harakatlarini aniqlash o‘rgatiladi. “Fan, texnologiya, tahlil va tadqiqotlar” jamg‘armasi ushbu yangi texnologiyani moliyalashtirish uchun 300 ming funt sterling ajratishi kutilmoqda.
Izoh (0)