Birlashgan Arab Amirliklari bosh vaziri Shayx Muhammad bin Rashid 2025-yil may oyi boshida kelgusi 2026-o‘quv yilidan boshlab barcha yoshdagi maktab o‘quvchilari uchun “Sun’iy intellekt” darslari joriy etilishini ma’lum qildi. Bu haqda Arab News xabar berdi.
Vazir X tarmog‘idagi postida shunday xabar qoldirdi: “BAA hukumati keyingi o‘quv yilidan boshlab amirlikda bog‘chadan tortib 12-sinfgacha bo‘lgan davlat ta’limining barcha bosqichlarida “Sun’iy intellekt” fanini joriy etish bo‘yicha yakuniy o‘quv dasturini tasdiqladi. Bizning maqsadimiz — farzandlarimizga sun’iy intellektni texnik nuqtai nazardan chuqur o‘rgatish.”
BAA ta’lim vaziri Sara Al-Amiriyning aytishicha, sun’iy intellektning ta’limga bunday integratsiyalashuvi amirlik hukumatining kelajakka qaratilgan qarashlarini aks ettiradi.
Amirliklar maktab o‘quv dasturlariga sun’iy intellektni joriy etgan birinchi davlat bo‘ladi.
Sun’iy intellekt o‘quv dasturi yettita asosiy yo‘nalishni qamrab oladi: asosiy tushunchalar; ma’lumotlar va algoritmlar; dasturiy ta’minotdan foydalanish; axloqiy xabardorlik; real hayotdagi ilovalar; innovatsiyalar va loyihalarni ishlab chiqish; siyosat va jamoatchilik ishtiroki.
Izoh (0)