Yandex Plus, jumladan, Yandex Musiqa va Kinopoisk vakillari, ijodiy yechimlar va innovatsiyalarni muhokama qilish uchun eng muhim xalqaro maydonlardan biri bo‘lgan 2024 yilgi Jahon Ijodiy Iqtisodiyot Konferensiyasi (WCCE) ishtirokchisi bo'ladi. 2–4 oktyabr kunlari Toshkentda bo'lib o'tadigan bu konferensiyada raqamli davrning kino, musiqa va shaharsozlik sanoatiga ta'siri haqida fikr almashadilar va kelajak uchun yangi yechimlarni taklif qiladilar.
Konferensiyada 80 dan ziyod davlatdan madaniyat va san’at sohasida faoliyat yuritayotgan 2 000 dan ortiq vakillar, yetakchilar, san'atkorlar, novatorlar, siyosatchilar va tadbirkorlar qatnashadi. Ushbu yirik tadbirning asosiy tashkilotchisi O‘zbekiston Madaniyat va San'atni Rivojlantirish Jamg‘armasi bo‘lib, Indoneziyaning Turizm va Ijodiy Iqtisodiyot Vazirligi, BMT Savdo va Taraqqiyot Konferensiyasi (UNCTAD), Jahon Intellektual Mulk Tashkiloti (WIPO) bilan hamkorlikda tashkil etiladi. Shuningdek, Britaniya Kengashi, Osiyo Taraqqiyot Banki Instituti (ADBI) va Toshkentdagi Xalqaro Vestminster Universiteti (WIUT) ko‘magida o‘tkaziladi.
Texnologik yutuqlar va yangi ijodiy imkoniyatlar bilan bir qatorda barcha uchun dolzarb bo‘lgan mavzular muhokama qilinadi. Yandex Musiqa va Kinopoisk vakillari texnologiyalar va sun'iy intellekt ijodkorlik, shaharlar va ta'lim kelajagini qanday o‘zgartirayotgani hamda musiqa va kino industriyasidagi global o‘zgarishlar haqida fikr bildiradilar.
Ijodiy yetakchilik: xaosga moslashish
Asosiy mavzulardan biri texnologik o‘zgarishlarga moslashish uchun zarur bo‘lgan ijodiy yetakchilik bo‘ladi. Kinopoisk vakillari, kelajak yetakchilari xaos va beqarorlikni qanday qilib o‘sish va yangi yechimlar izlash uchun stimul sifatida foydalanishi mumkinligini muhokama qiladilar. Innovatsiyalarga to‘la dunyoda ijodkorlik va jamoaviy ilhom uchun sharoit yaratadigan yetakchilar asosiy rol o‘ynaydi.
Shuningdek, jamoaviy aloqalarni o‘rnatishda yangi yondashuvlar ko‘rib chiqiladi. Yandex Musiqa vakillari, iyerarxik tuzilmalar o‘rniga, umumiy qadriyatlarga asoslangan jamoaviy munosabatlarning ijodiy muhitni qanday yaratishini o‘rtoqlashadilar. Spikerlar, ijodiy oqim va moslashuvchanlik yangi g‘oyalar tug‘ilishiga qanday yordam berishini ham muhokama qiladilar.
Meta-ko‘nikmalar va o‘rganish tezligi: kelajak tez moslashadiganlar qo‘lida
Yandex Musiqa va Kinopoisk vakillarining WCCE 2024 dagi ishtiroki meta-ko‘nikmalar va tez o‘rganish qobiliyati (Learning Agility) ahamiyatini ta'kidlaydi. Tez o‘zgarib borayotgan dunyoda kelajak, moslashish qobiliyatiga ega bo‘lgan, o‘ziga xoslik va chidamlilikni rivojlantirgan kishilar qo‘lida bo‘ladi. Bu ko‘nikmalar ijodiy sanoatdagi yetakchilarni shakllantirishda asosiy ahamiyatga ega bo‘ladi.
2024 yilda musiqa industriyasi: yangi texnologiyalar va global tendensiyalar
Yandex Musiqa vakillari 2024 yildagi musiqa industriyasidagi o‘zgarishlarni ko‘rib chiqadilar. Ular, musiqiy landshaftni qanday qilib oqim xizmatlari (streaming services) o‘zgartirayotgani haqida so‘zlab beradilar, bu xizmatlar artistlarga leyblar va jismoniy tashuvchilarsiz global auditoriyaga chiqishga imkon bermoqda. Ushbu o‘zgarishlar yangi ijodiy imkoniyatlar yaratdi, musiqiy janrlarning xilma-xilligini oshirdi va innovatsiyalarni rag‘batlantirdi.
Markaziy Osiyo va O‘zbekistondagi musiqiy bozor ham alohida e'tibor markazida bo‘ladi. Yandex Musiqa vakillari, mintaqada an'anaviy janrlarning zamonaviy musiqaga ta'siri, musiqachilarning xalqaro bozorlarga chiqishidagi to‘siqlar va imkoniyatlar haqida fikr almashadilar. Bu o‘zgarishlar musiqachilar uchun yangi imkoniyatlar yaratadi va iste'molchilarning odatlarini o‘zgartiradi.
Musiqa va brendlar: marketingdagi ovoz kuchi
Yandex Musiqa vakillari musiqaning brendlarni va mahsulotlarni targ‘ib qilishdagi rolini muhokama qiladilar. Musiqa brendga bo‘lgan hissiy bog‘liqlikni kuchaytiradi, uni esda qolarli va iste'molchilar uchun muhim qiladi. Audiovizual elementlar va musiqadan foydalanish reklama kampaniyalarini yanada jozibali va samarali qiladi. Bu raqamli marketingning zamonaviy strategiyalari uchun alohida ahamiyatga ega.
Musiqiy ta'lim: ijodiy sanoatlarning kelajagiga sarmoya
Yandex Musiqa vakillari, musiqiy ta'lim ijodiy sanoatlarning kelajakdagi professionalarini shakllantirishda asosiy rol o‘ynashini ta'kidlashadi. Musiqiy ta'lim nafaqat ijodiy qobiliyatlarni, balki tanqidiy fikrlashni va ko‘p tarmoqli ko‘nikmalarni rivojlantiradi, bu ko‘nikmalar esa dizayn, reklama, kino va multimedia kabi sohalarda talab etiladi.
Musiqa va sun'iy intellekt: yangi imkoniyatlar va muammolar
Yandex Musiqa va Kinopoisk vakillari sun'iy intellektning ijodkorlik va musiqa industriyasiga ta'siri haqida so‘z yuritadilar. Sun'iy intellekt yangi tovushlar va uslublar bilan tajriba o‘tkazishga imkon beradi, ammo bu, shuningdek, mualliflik huquqlari va etika masalalarini ham keltirib chiqaradi. Konferensiyada musiqa va kino industriyasini tartibga solish uchun yangi yondashuvlar muhokama qilinadi.
Amaliy qismi: professionallardan master-klasslar
Munozaralardan tashqari, ishtirokchilarni eng so‘nggi trendlar va texnologiyalar haqida bilib olish imkonini beradigan amaliy master-klasslar kutmoqda:
Yandex Plus Studio kinoindustriyada vizual effektlar qanday o‘zgarishlar qilishini va kelajakda kinematografiyadagi kasblar qanday bo‘lishini, shuningdek, sun’iy intellekt (AI) kontent yaratish jarayonlarini qanday o‘zgartirishi va Gollivudda VFX-produserlari qanday ishlashini tushuntirib beradi.
Band Link yosh artistlarga zamonaviy texnologiyalardan foydalanib o‘z auditoriyasini qanday oshirish mumkinligini, striming servislari va ijtimoiy tarmoqlardan qanday to‘g‘ri foydalanish kerakligini, shuningdek, fanbazani qanday tarbiyalashni o‘rgatadigan master-klass o‘tkazadi.
Tadbir kreativ klasterlar aqlli shaharlarni qanday shakllantirayotgani kabi muhim mavzularni muhokama qilish uchun maydonga aylanadi, va Kinopoisk mutaxassisi kinoindustriyani sun’iy intellekt davrida nimalar kutmoqda degan savolga javob beradi.
Tadbir sanasi va manzili:
WCCE 2-4 oktyabr kunlari Toshkentdagi CAEx ko‘rgazma majmuasida, Milliy Bog‘ ko‘chasi, 1-manzilda o‘tadi. Hoziroq ro‘yxatdan o‘ting va Yandex Plus bilan birga kelajakning bir qismi bo‘ling hamda innovatsiyalar va ijodkorlik dunyosini kashf eting, bugun ertangi kunni shakllantirayotgan jarayonlardan xabardor bo‘ling.
Ro‘yxatdan o‘tish va ko'proq ma'lumot olish uchun WCCE rasmiy veb-sahifasiga tashrif buyuring.
Izoh (0)