Yozgi topshiriq: Bill Geyts hamma o‘qishi kerak bo‘lgan kitoblar ro‘yxatini e’lon qildi

Microsoft asoschisi Bill Geyts o‘z blogida yoz oylarida nimani o‘qish yoki tomosha qilish bo‘yicha an’anaviy tavsiyalar ro‘yxatini e’lon qildi. Olingan ro‘yxatni tahlil qilar ekan, milliarder odatda janr yoki uslubga eʼtibor bermay, asarlarga eʼtibor qaratishini ta’kidladi.

“Ayol” (The Woman) — Kristin Hanna

Roman Vyetnamdagi frontda ikki marta xizmat qilgan AQSH armiyasi hamshirasi haqida hikoya qiladi. Keyinchalik u urushga qarshi norozilik namoyishlari bo‘lgan vataniga qaytib keladi.

“Yuqumli saxiylik” (Infectious Generosity) — Kris Anderson

Muallif internet saxiylikni qanday targ‘ib qilishi mumkinligini o‘rganadi. U odamlardan tortib hukumat va biznesgacha bo‘lgan har bir kishi dunyoda saxiylikni oshirishga qanday yordam berishi mumkinligi haqidagi rejani taklif qiladi. Shu bilan birga, uning “saxiylik” tushunchasi pul doirasidan tashqariga chiqib, uning ta’rifini kengaytiradi.

“Dadil yangi so‘zlar” (Brave New Words) Sel Xon

Muallif ta’lim texnologiyalarini sun’iy intellekt paydo bo‘lishidan ancha oldin tadqiq qilgan. Ushbu kitobda u sun’iy intellekt o‘rganishni tubdan o‘zgartirishga va butun dunyo bo‘ylab ta’lim olish imkoniyatini yaxshilashga qanday yordam berishi haqida gapiradi.

“Insonni qanday bilish mumkin” (How to Know a Person) — Devid Bruks

Ushbu kitobda muallif o‘zingizni rivojlantirish uchun o‘rganishingiz mumkin bo‘lgan muloqot va ijtimoiy qobiliyatlar haqida gapiradi. Shuningdek, u atrofingizdagi odamlarga o‘zini eshitish va qadrlash imkonini beradigan texnikani tasvirlaydi. Bill Geytsning so‘zlariga ko‘ra, bu nafaqat aloqa sifatini yaxshilash bo‘yicha qo‘llanma, balki insonparvarroq turmush tarzini o‘rnatishning yaxlit rejasidir.

“Sekin otlar” (Slow Horses) — Apple TV+ seriali

Geyts josuslar haqidagi film va seriallarni juda yaxshi ko‘radi. U “Sekin otlar” shousini ushbu janrdagi eng yaxshilaridan biri deb hisoblaydi. Britaniya seriali Slay Hausdagi xayoliy ayg‘oqchilar guruhi haqida. MI5 maxfiy xizmati u yerga bir paytlar yomon ish qilgan razvedka xodimlarini yuboradi, lekin ular ishdan bo‘shatilmagan. Guruhni Jeyms Bondga mutlaqo qarama-qarshi bo‘lgan qahramon boshqaradi. U bema’ni va ichkilikboz, ammo josuslik qobiliyati bilan tomoshabinni hayratda qoldiradi.