London Tech Week yaqinda faoliyatini boshlaydi, u butun dunyodan startaplar va tadbirkorlarni ishtirok etishga taklif qilmoqda.
Londondagi texnologiya haftaligida texnologiya va innovatsiyalarning dinamik olami haqida tushuncha hosil qilish uchun Buyuk Britaniyaning Istanbuldagi Bosh konsuli, Sharqiy Yevropa va Markaziy Osiyo bo‘yicha savdo komissari Kenan Poleo bilan bog‘landik. Yevropaning eng yirik texnologiyalar tadbiri sifatida London Tech Week 90 dan ortiq mamlakatlardan kelgan innovatorlar, investorlar va texnologik gigantlarini bir joyga to‘playdi va global texnologik ekotizimlarning birlashuv markazini yaratadi.
1. London Tech Week butun dunyo bo‘ylab texnologik mutaxassislar uchun nimasi bilan ahamiyatli?
London Tech Week Yevropadagi eng yirik texnologik tadbirdir. Bu hafta davomida barcha innovatorlar, investorlar va texnologik gigantlar birlashadi. Dunyoning 90 dan ortiq mamlakatlaridan vakillar ishtirokida u global texnologik ekotizim sarmoya, innovatsiya va iste’dodlar bilan kesishgan markazdir.
Bu yil Buyuk Britaniya Biznes va savdo departamentidagi jamoam London texnologiya haftaligiga delegatsiya olib boradi. Ular 12-iyunda Sharqiy Yevropa va Markaziy Osiyo kompaniyalari uchun maxsus ishlab chiqilgan tadbirda ishtirok etadilar.
Buyuk Britaniyada biznesingizni kengaytirish orqali uni global miqyosda qanday rivojlantirish haqida asosiy ma’lumotlarni beramiz, so‘ngra aloqalar o’rnatishga qaratilgan tadbir bo‘lib o‘tadi.
2. Buyuk Britaniyaning texnologiya sektori global maydonda, ayniqsa Sharqiy Yevropa va Markaziy Osiyodagi texnologik markazlarga nisbatan qanday ajralib turadi?
Buyuk Britaniya texnologiya kompaniyalarining izchil o‘sishi ortidan sanoat joriy yilda 1 trillion dollarga yetdi. Bu AQSH va Xitoydan keyin shunday ko‘rsatkichga erishgan uchinchi davlatdir. Buyuk Britaniyada 85 000 dan ortiq startap va yirik korxonalar, shuningdek, 170 ta “unicorn” kompaniyalar bor, bu Fransiya va Germaniyadagi umumiy ko‘rsatkichdan ko‘p.
Bu Buyuk Britaniyada kengayib borayotgan xalqaro kompaniyalar boshqa G7 mamlakatlari orasida eng past korporativ soliq stavkasi bilan Yevropada deyarli 450 million iste‘molchiga yetib borishni anglatadi.
Bundan tashqari, qonuniy tizim, biznes uchun qulay muhit, ilmiy-tadqiqot ishlarini moliyalashtirish va innovatsion fikrlash Buyuk Britaniyani biznesni tashkil etish, kengaytirish va rivojlantirish uchun eng oson bozorlardan biriga aylantiradi.
Shuningdek, Britaniyaga butun dunyodan katta miqdorda sarmoya kiritilmoqda. Investorlar Buyuk Britaniya texnologik ekotizimining kuchli tomonlarini tan oladi. 2022-yilda startaplar 31 milliard dollardan ortiq venchur kapitalni qabul qildi, bu Yevropadagi eng yuqori ko‘rsatkichdir.
3. London Tech Week doirasida Buyuk Britaniya texnologiya firmalari bilan hamkorlik qilmoqchi bo‘lgan Markaziy Osiyo kompaniyalari uchun qanday imkoniyatlar mavjud?
Kompaniyalar investorlar va korxonalar bilan aloqa o'rnatish imkoniyatlariga ega bo‘ladi. Bundan tashqari, aytganimdek, Biznes va savdo departamentidagi mening jamoam 12-iyun kuni Sharqiy Yevropa va Markaziy Osiyo delegatsiyasi uchun sessiya tashkil qiladi. U Britaniyada ofis ochish, biznesni kengaytirish, ilmiy-tadqiqot ishlarini moliyalashtirish imkoniyatlari, moliyaviy majburiyatlar, immigratsiya sxemalari va globallashuvda Buyuk Britaniyaning kuchli tomonlarini qamrab oladi.
Shuningdek, delegatsiya Britaniyaga borgan va u yerda muvaffaqiyatli biznes yuritgan avvalgi o’xshash kompaniyalarning ilg‘or tajribalarini o‘rganish imkoniyatiga ega bo‘ladi.
O‘rganish uchun ko'p narsa bor, ro'yxatdan o'tishni unutmang!
4. Sharqiy Yevropa va Markaziy Osiyodagi texnologiya kompaniyalari Britaniya bozoriga kirayotganda qanday umumiy muammolarga duch kelishadi va ushbu muammolarni hal qilish uchun qanday choralar ko‘rilmoqda?
Buyuk Britaniyada o‘z biznesini kengaytirish istagida bo‘lgan Sharqiy Yevropa va Markaziy Osiyodagi biznes uchun mukammal qo‘llab-quvvatlash xizmatlari mavjud. Ushbu xizmatlar rejalashtirishda, bozor dinamikasini tushunish, biznes boshlash uchun to‘g‘ri joy topish va tadbirkorlarga vaqtni tejashga ko‘maklashuvchi xizmat ko‘rsatish provayderlarini tanlashda yordam beradi, ayniqsa, cheklangan xodimlar va resurslarga ega bo‘lib, o‘sishga harakat qilayotgan bizneslarga ayni muddao.
Sharqiy Yevropa, Markaziy Osiyo va Britaniyadagi jamoalarimiz sizning biznes ehtiyojlaringizni o’rganishga tayyor. Shunga asoslanib, ular ekotizim hisoboti, tartib-qoidalar bo‘yicha ma’lumot berishi hamda kerakli aloqalar o’rnatishda ko’maklashishi mumkin.
Bundan tashqari, Britaniya hukumati yaqinda “O’z biznesingizni kengaytiring” deb nomlangan yangi portalni ishga tushirdi. Bu bepul onlayn qo‘llanma bo‘lib, bank hisobini ochish va viza uchun ariza berish kabi biznesni tashkil etishning amaliy bosqichlaridagi 2 daqiqalik bosqichma-bosqich jarayon aks etilgan qo’llanmadir.
5. Buyuk Britaniyaning texnologiya sektorida o‘sishni rag'batlantirishga qaratilgan hukumatning so'nggi tashabbuslarini muhokama qila olasizmi? Ushbu o'zgarishlar Sharqiy Yevropa va Markaziy Osiyo davlatlari bilan hamkorlikni qanday qo'llab-quvvatlaydi?
Biz Buyuk Britaniyaning 1 trillion dollarlik texnologiya sanoati orqali rivojlanishga tayyor bo‘lgan barcha innovatsion biznesni hozirda mavjud bo‘lgan hukumatning turli moliyalashtirish manbalaridan foydalangan holda kutib olamiz.
Tasavvur qilish uchun, Buyuk Britaniya yaqinda mamlakatni fan va texnologiya qudrati sifatida namoyon qilish maqsadida superkompyuterlar va sun’iy intellekt tadqiqotlarining keyingi avlodi uchun hukumat tomonidan 1 milliard funt sterling miqdorida mablag' ajratilishini e'lon qildi.
Buyuk Britaniyada raqamli innovatsiyalar va raqobatni rag'batlantiradigan istiqbolli yondashuv mavjud, u AQSHning venchur kapitali fondlarini, jumladan, General Catalyst, Sequoia va Lightspeed ni jalb qilgan.
London hozirda AQSHdan tashqaridagi eng yaxshi texnologik ekotizim bo‘lib, bunga erta, boshlang'ich va kech bosqichdagi moliyalashtirish, universitet iqtidorlari, patentlar va unicorn kompaniyalari hamda 1 milliard dollardan ortiq muvaffaqiyatli takliflar sabab bo‘ldi. Bu bilan u Parij, Tel-Aviv va Pekin kabi boshqa yirik shaharlardan oldinda.
6. Mintaqadagi startaplar yoki tadbirkorlar London Tech haftaligida qanday ishtirok etishlari mumkin?
Bu juda oson — bitta tugma bosish bilan! Barcha innovatsion kompaniyalarni London Tech Week delegatsiyasiga qo'shilishga taklif qilamiz.
Bu yerda ro‘yxatdan o‘ting!
London Tech Week 45 000 ishtirokchini, 5 000 dan ortiq startaplarni va 1 000 dan ortiq investorlarni jalb qiladi va 75 soatlik zamonaviy kontentni taklif qiladi. U tadbirkorlar, investorlar va korporativ texnologiyalar bo‘yicha yetakchilar uchun birlashish, innovatsiyalarni joriy etish va texnologik taraqqiyotni tezlashtirish uchun tengsiz platformani taqdim etadi.
Startaplar eng yaxshi venchur kapitalistlar, CVC va investorlari bilan bog‘lanishi, minglab korporativ texnologiya yetakchilari bilan uchrashishi mumkin. Korporativ texnologiya yetakchilari esa sun’iy intellekt, kvant hisoblash, kiberxavfsizlik, moliyaviy texnologiya, marketing texnologiyalari, toza texnologiyalar va boshqa yo‘nalishlarni o‘rganadi.
Izoh (0)