Isroil harbiylari 2023-yil 7-oktyabrdan buyon G‘azodagi hujumlarda AQSH sun’iy intellektlaridan keng foydalangan. Bu haqda Associated Press xabar berdi.
G‘azoga hujum paytida Isroil armiyasi tomonidan ishlatilgan sun’iy intellekt (SI) tizimlarida tinch aholining o‘limiga olib kelishi mumkin bo‘lgan xatolar aniqlandi. Yahudiy davlati SIdan keng ko‘lamli razvedka ma’lumotlari, tutib olingan aloqalar va kuzatuv orqali shubhali nutqni aniqlab, odamlar harakatlarini o‘rgangan. Isroil Livanga hujumlarda ham sun’iy intellektdan foydalangan. Biroq SI ma’lumotlarida “fuqarolik va harbiy maqsadlar o‘rtasida hech qanday farq bo‘lmagan”.
Kelajakda texnologiyaning bunday noqonuniy urushlarni amalga oshirishdagi roli uchun ta’sirlar juda katta bo‘ladi, deydi AI Now institutining bosh sun’iy intellekt olimi va OpenAI’ning sobiq xavfsizlik bo‘yicha katta muhandisi Heidi Khlaaf.
Isroil tomonidan tinch aholini kuzatish maqsadida qo‘llaniladigan “Habsora”, “Lavender” va “Where is Daddy?” kabi sun’iy intellekt tizimlari Amerikaning sun’iy intellekt kompaniyalari tomonidan qo‘llab-quvvatlanishda davom etmoqda. Isroil razvedkasi vakilining aytishicha, harbiylar Microsoft Azure’dan foydalanib, ma’lumotlarni to‘playdi, ular ( telefon qo‘ng‘iroqlar, matnli va ovozli xabarlar) keyinchalik rasshifrovka va tarjima qilinadi.
Amaldorning ta’kidlashicha, Azure katta hajmdagi matnda atamalarni tezkor qidiruv uchun qo‘llaniladi, bu esa armiyaning sun’iy intellekt tizimlariga bir-biriga ko‘rsatma berayotgan shaxslarni aniqlash va ularning joylashuvini belgilash imkonini beradi.
2023-yil 7-oktyabrdan boshlab Isroil harbiylari OpenAI modellaridan, shuningdek, nutqni rasshifrovka va tarjima qilish imkoniyatlaridan keng foydalanmoqda.
Ma’lumotlar ba’zan noaniq bo‘lishi mumkin, bir marta tizim 1000 ga yaqin litsey o‘quvchisini “potensial jangarilar” deb noto‘g‘ri aniqlagan, deydi isroillik rasmiy.
Sun’iy intellekt HAMASga aloqador, ammo u yerda yashamaydigan shaxsning uyini ham aniqlay oladi, shundan so‘ng bu obyekt nishonga aylanadi.
Tadqiqotga ko‘ra, 2024-yil mart oyida Isroil harbiylari tomonidan OpenAI va Microsoft asosidagi sun’iy intellektdan foydalanish 2023-yil 7-oktyabr hujumlaridan oldingi davrga nisbatan deyarli 200 barobar oshgan. Harbiylar tomonidan Microsoft serverlarida saqlanayotgan ma’lumotlar hajmi 2024-yilning mart-iyul oylarida ikki barobar ko‘payib, 13,6 petabaytdan oshdi.
Bu sun’iy intellektning tijorat modellari to‘g‘ridan to‘g‘ri harbiy harakatlarda qo‘llanilishining birinchi tasdig‘idir, dedi Haydi Khlaaf.
AP ma’lumotlariga ko‘ra, Isroil harbiylari Microsoft Azure bulutli platformasi va OpenAI orqali taqdim etiladigan ilg‘or sun’iy intellekt modellarini sotib olgan. Amerika texnologiya kompaniyalari orasida Microsoft Isroil armiyasi bilan “yaqin aloqalar” o‘rnatgan va bu aloqalar 7-oktyabrdan keyin “yanada mustahkamlangan”.
AP agentligi tomonidan ko‘rib chiqilgan hujjatlarga ko‘ra, 2021-yilda Microsoft Isroil Mudofaa vazirligi bilan uch yillik 133 million dollarlik shartnoma imzolagan, bu esa Isroilni kompaniyaning AQSHdan keyingi ikkinchi yirik harbiy buyurtmachisiga aylantirgan.
Bundan tashqari, Isroil harbiylari 7-oktyabrdan taxminan ikki hafta o‘tgach, Microsoft Azure’ga texnik yordam so‘rovi bilan murojaat qilgan. Xususan, isroilliklar “rejalashtirilgan texnik xizmat ko‘rsatish uzilishlarini yilning qolgan qismiga qoldirishni” so‘ragan. Chunki har qanday uzilish “hayotiy ta’minot tizimlariga” bevosita ta’sir ko‘rsatishi ta’kidlangan.
7-oktyabrdan keyingi taxminan 10 oy ichida Microsoft Azure Isroil harbiylari tomonidan yuborilgan 130 ga yaqin texnik yordam so‘roviga javob bergan.
Shu bilan birga, Microsoft ma’lumotlari Tel-Avivdan tashqarida tikanli sim bilan o‘ralgan ikkita ulkan binodagi serverlarda saqlanadi. Tel-Aviv yaqinidagi Gersliya shahridagi 46 ming kvadrat metrlik korporativ kampus esa Microsoft boshqaruvida.
Izoh (0)