Ba’zi narsalarni uyda tayyorlash nafaqat arzon, balki foydali va ko‘pincha do‘kondan olingan mahsulotlarga qaraganda samarali bo‘ladi. Quyida o‘zingiz mustaqil tayyorlashingiz mumkin bo‘lgan mahsulotlar va nimada tejamkorlik qilmaslik kerakligi haqida so‘z yuritildi.
Yuz uchun niqob
Siz aknedan xalos bo‘lish uchun tish pastasi yoki osh sodasidan foydalanganmisiz?
Agar shunday bo‘lsa, demak, bu ishni qilgan yagona odam emassiz. Men akne ustiga sirka surtganman, terimni gilos bilan ishqalaganman — bularning barchasi faqat terimga zarar keltirgan, xolos. Soch uchun piyoz sharbatidan tayyorlangan niqob esa bosh terimni shunchalik bezovta qilganki, oqibatda sochlarim to‘kila boshlagan. Yaxshiyamki, dermatologga murojaat qilganman. Eng muhim xulosam? Tabiiy va uy sharoitidagi vositalar har doim ham eng yaxshisi bo‘lavermaydi, deydi Loren Klyayn.
Doktor Gita Yadov shunday deydi,— odamlar ko‘p hollarda kosmetik vositalar tarkibidagi konservantlarni xavfli deb hisoblaydi. Aslida esa ularning tarkibidagi konservantlar xavfsiz dozada ishlatiladi.
Chuchvara va granula
Chuchvara tayyorlash vaqt talab qiladi. Lekin uyda o‘zingiz tayyorlagan chuchvaralar nafaqat mazali, balki arzonroq va konservantsiz tabiiy taom bo‘ladi. Bolalarni ham tayyorlash jarayoniga jalb qiling — ularga xamirni doira shaklida kesishni topshiring.
Granula sog‘lom nonushta sifatida to‘g‘ri ovqatlanish tarafdorlari tomonidan tavsiya qilinadi. Do‘kondagi narxlari esa anchagina qimmat. Aslida esa bu shunchaki suli yormasi, yong‘oqlar, urug‘lar va quritilgan mevalarning asal yoki sirop bilan aralashmasi.
Uni uyda tayyorlash ancha arzon va siz uni o‘z xohishingizga ko‘ra amalga oshirishingiz mumkin: masalan, asos sifatida glutensiz suli yormasini tanlash. Agar yong‘oqqa allergiya bo‘lsa — faqat urug‘lar va quritilgan mevalar (yoki rezavorlar)dan foydalanish mumkin. Shakar solmaslik ham mumkin.
Muzlatilgan rezavorlar
Katta supermarketlarda muzlatilgan rezavorlar sotiladi. Ammo o‘zingiz terib olgan va uyda muzlatilgan mevalar ham keyingi mavsumgacha muzlatkichda yaxshi saqlanadi.
Ulardan uy sharoitida ajoyib, xushbo‘y ichimlik tayyorlash mumkin.
Universal tozalovchi vosita
Do‘konlarda sotiladigan universal tozalovchi vositalarning ko‘pi, asosan, suv, hid beruvchi moddalar va kimyoviy tarkibdan iborat bo‘ladi. Agar siz ularni uy sharoitida tayyorlasangiz ham arzon, ham samarali, va xavfsiz bo‘ladi.
Kerak bo‘ladi:
- 1 stakan sirka
- 1 stakan suv
- 1 choy qoshiq idish yuvish geli
- 10 tomchi xushbo‘y efir moyi
Ushbu vosita bezarar hamda ko‘plab jihozlarni tozalash uchun mo‘ljallangan (marmar va granitdan tashqari).
Izoh (0)