Илон Маскнинг SpaceX компаниясига тегишли Starship космик кемаси синов парвози пайтида портлаб кетди.
Маълум қилинишича, ҳодиса 18 июнь куни маҳаллий вақт билан соат 23:00 атрофида Техас штатидаги Starbase космодромида юз берган. Ракета 10-синов парвозига тайёрланаётган бўлган. Портлаш двигателларни синовдан ўтказиш пайтида кузатилгани айтилмоқда.
Дастлаб ракетанинг биринчи поғонасидаги двигатель портлаган. Сўнгра иккинчи поғонада ёқилғи сизиб чиқиши юз берган. Оқибатда ракета бошқарувдан чиққан. Статиc фире тест деб аталадиган синовда двигателлар ишга туширилади, аммо ракетанинг ўзи учириш майдончасида маҳкамланган ҳолда қолади.
Starbase жамоамиз маҳаллий расмийлар билан биргаликда полигон ва унинг атрофидаги ҳудудни хавфсизлантириш учун фаол иш олиб бормоқда. Атрофда яшовчи аҳоли учун ҳеч қандай хавф йўқ ва қутқарув ишлари давом этаётган бир пайтда фуқаролардан ҳудудга яқинлашмасликни сўраймиз, дейилган SpaceX баёнотида.
Илон Маск Starship’ни ривожлантириш учун миллиардлаб доллар сарфлаган. Бу ташаббус унинг космик кема ёрдамида Марс сайёрасини мустамлака қилиш режасининг бир қисмидир. SpaceX 50 йилдан ортиқ вақт ичида биринчи марта одамларни Ойга юбориш учун АҚШ давлат агентлиги — НАСА билан ишламоқда.
Тез-тез учраб турадиган носозликлар ва ракеталарнинг катта ўлчамлари сабабли SpaceX’нинг синов парвозлари ҳозиргача бир неча бор АҚШнинг жанубий штатлари ҳамда Кариб денгизи ҳудудларига ракета бўлакларининг тушишига сабаб бўлган.
Изоҳ (0)