Фарғона вилоятида фуқаро билан тил бириктириб 5,6 млрд сўмлик газни “ўғирлаган” газ таъминот корхонаси мансабдорларига суд ҳукми эълон қилинди. Бу ҳақда Бош прокуратура хабар берди.
Қайд этилишича, ёқилғи-энергия ресурсларидан ноқонуний фойдаланиш ҳолатларини содир этган шахсларга нисбатан қонун устуворлиги ва жазо муқаррарлиги таъминланмоқда.
Фарғона вилояти, Марғилон шаҳрида фуқаро Т.М. ва бошқалар газ таъминот корхонаси мансабдор шахслари билан олдиндан тил бириктирган ҳолда чорва фермаси ҳудудида ноқонуний оҳак цехи ташкил қилиб, 5,6 млрд сўмлик 2,1 млн куб метр табиий газни ўғрилик йўли билан талон-торож қилгани юзасидан жиноят иши қўзғатилган.
Мазкур жиноят иши бўйича чиқарилган суднинг ҳукмига кўра, судланувчилар Жиноят кодексининг 169-моддаси 4-қисми “а” банди билан айбдор деб топилиб, таъминот корхонаси раҳбари М.М.га 10 йил, унинг ўринбосари Х.М.га 9 йил, таъминот корхонаси ходими А.Т.га 8 йил ва фуқаро Т.М.га 4 йил озодликдан маҳрум қилиш жазоси тайинланган.
Куни кеча Фарғона вилоятидаги туманлардан бирининг Мажбурий ижро бюроси бошлиғи ўз хизмат ваколатидан фойдаланган ҳолда, бўйсунувидаги давлат ижрочиси иш юритувида бўлган фуқаролик ишлари бўйича суднинг ижро варақаси бўйича жавобгарларни ушбу тумандаги хонадондан мажбурий тартибда кўчириш юзасидан ижро ҳаракатларини якунлаб бериш эвазига 2 минг АҚШ доллари талаб қилгангани ҳақида хабар берилганди.
Пора олиш билан боғлиқ бошқа жиноятлар
16 июнда Қашқадарёда солиқ идораси мансабдори пора олаётганда ушланганди. 5 июнь куни ДХХ Қорақалпоғистонда боғча мудиралиги учун 15 миллион сўм, боғ инспекторлигига эса 3 минг доллар талаб қилган раҳбарларни қўлга олганди. Хоразмда Ўсимликлар карантини ва ҳимояси бўлими бошлиғи 10 минг доллар олаётганида ушланганди.
Изоҳ (0)