Темирйўл чипталари нархи яна оширилиши, Хитойда тарқалаётган вирус Ўзбекистонда ҳам аниқланиши, тижорат банкларида доллар сотув курси 13 000 сўмга чиқиши, Андижондаги хонадонда газ портлаши — “Дарё” нашри бугун, 6 январда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда темирйўл чипталари нархи яна оширилади
“Афросиёб” поездлари чипта нархлари 20-25 фоизга, “Шарқ”, “Насаф” ва “Ўзбекистон” поездлари чипта нархлари 30 фоизга қимматлайди.
Хитойда тарқалаётган вирус Ўзбекистонда ҳам аниқланди
Республикада ўткир респиратор инфекцияларга чалиниш ҳолатларининг мавсумий кўтарилиши кузатилмоқда.
Ўзбекистон тижорат банкларида доллар сотув курси 13 000 сўмга чиқди
Айримларида ушбу валюта 13 005 сўмдан сотилмоқда.
Ўзбекистонда “боғча пули”ни янги усулда тўлаш имконияти яратилади
Давлат боғчаларида озиқ-овқат ҳаражатларини автоматик ҳисоблаш жорий этилади.
Андижондаги хонадонда газ портлади
Оқибатда тўрт киши куйиш жароҳатини олди, улардан бири вафот этди.
Республика педиатрия маркази метапневмовирусга чалинган болалар билан тўлгани рад этилди
ССВ марказ юқумли касалликларга чалинган беморларни қабул қилиш ва даволашга ихтисослаштирилмаганини билдириб, ҳолатга изоҳ берди.
“Колхоз” раисидан бир оёғи Америкадаги саволгача — 2024 йилда амалдорлар томонидан айтилган “қанотли” иборалар
Ўтган 2024 йил давомида айрим мансабдор, депутат ва ҳокимларнинг чиқишлари баҳс-мунозараларга сабаб бўлиб, тармоқларда муҳокамалар марказида турди. “Дарё” шуларнинг бир нечтасини жамлади.
Сурхондарёда ўқувчилар совуқ ҳавода юпун кийимда тадбирга жалб қилинди
Бунга сабаб бўлган мансабдорлар жавобгарликка тортилди.
Шаҳрам Ғиёсов айиқ билан жанг қилгани учун жаримага тортилди
Айиқ Фарғона ҳайвонот боғига топширилди.
Шавкат Мирзиёев қисқа муддатли меҳнат таътилига чиқди
Ўзбекистон президенти 6 январдан таътилга чиқди.
Ўзбекистоннинг тўртта ҳудудида ҳаж ва умра зиёратлари билан боғлиқ фирибгарлик ҳолатлари аниқланди
Ҳолатлар юзасидан жиноят ишлари қўзғатилиб, тергов ҳаракатлари олиб борилмоқда.
Навоий вилоятида 3,6 магнитудали зилзила содир бўлди
Зилзила соат 20:25 да Томди туманида содир бўлган.
Тошкентда ноқонуний тарзда дори савдоси билан шуғулланиб келган шахслар ушланди
Ҳолат юзасидан жиноят иши қўзғатилиб, тергов ҳаракатлари ўтказилмоқда.
Изоҳ (0)