АҚШ президенти Дональд Трамп Лос Анжелес штати миллий гвардияси аъзолари ва иммиграцияга қарши намойишчилар ўртасидаги шиддатли тўқнашувлар фонида “Лос Анжелесни мигрантлар босқинидан озод қилишга” ваъда берди. Бу ҳақда The Independent хабар берди.
8 июнь куни президент Truth Social’да чиқиш қилди. Унда пресидент Лос Анжелесдан “ноқонуний чет элликлар чиқариб юборилиши” ва шаҳар “озод қилиниши”га ваъда берган.
Лос Анжелес марказидаги кўчаларда намойишчиларга қарши кўздан ёш оқизувчи газ ва кам ҳалокатли ўқ-дорилардан фойдаланилмоқда.
“Бир вақтлар Американинг буюк шаҳри бўлган Лос Анжелес “ноқонуний чет элликлар ва жиноятчилар томонидан босиб олинди. Зўравон ва қўзғолончи оломон бизнинг депортация операциямизни тўхтатиш учун Федерал агентларимизга ёпирилиб, ҳужум қилмоқда. Мен ички хавфсизлик котиби Кристи Ноэм, мудофаа вазири Пит Хегсет ва бош прокурор Пам Бондига барча тегишли департаментлар ва агентликлар билан келишилган ҳолда Лос Анжелесдаги тартибсизликларга чек қўйиш учун зарур бўлган барча чораларни кўришни буюраман. Тартиб тикланади, ноқонунийлар чиқариб юборилади ва Лос Анжелес озод қилинади”, деб ёзган Трамп.
8 июнь кунидаги тартибсизликлардан кейин кун давомида кескинлик авж олган. Суратларда машиналар ёнаётгани, намойишчилар қуролланган ва дубулға кийган ҳуқуқ-тартибот идоралари ходимларига қарата мушакбозлик қилганини кўриш мумкин.
Бу намойишлар Лос Анжелес округи бўйлаб 118 нафар мигрант, жумладан, 6 июнь куни 44 киши ҳибсга олинганидан кейин бошланиб кетган.
Изоҳ (0)