“Реал” собиқ устози Зинедин Зидан Франция терма жамоасини бошқаришни исташи ҳамда таклиф бўлса, уни қабул қилишга тайёр эканлигини билдирди . 
Тажрибали мутахассис тўрт йилдирки, ҳеч бир жамоани бошқармаяпти. Зидан ўзи ҳақидаги саволларга қуйидагича жавоб берди:
Мен Франция терма жамоасини бошқаришни истайман. Аммо айни пайтда уларнинг мураббийи бор. Шу сабабли Дидье Дешам ҳамда жамоага ҳурмат билан гапиришимиз керак. Мен доим футболни ва футбол атрофидаги инсонларни ҳурмат қилганман, шунинг учун ҳозир бу мавзуда гапиришнинг ўзи нотўғри. Бироқ вақти келиб, агар шундай имконият пайдо бўлса, жуда хурсанд бўламан. Мураббийлик фаолиятимни вақтинча тўхтатганман, бироқ ўзимни ҳануз мураббий сифатида ҳис қиламан, дейди Зидан Marca нашрига берган интервьюсида.
ОАВда тарқалган хабарларга кўра, 2026 йилги Жаҳон чемпионатидан сўнг Дидье Дешам Франция терма жамоаси бошқарувидан кетади. Шундан кейин Зидан “уч ранглилар” бош мураббийи лавозимини эгаллаши мумкин.
Маълумот учун, Зинедин 2021 йилнинг ёзида “Реал”ни тарк этган эди. Шундан бери у ҳеч қайси жамоани бошқаргани йўқ.
Изоҳ (0)