«Реал» собиқ бош мураббийи Зинедин Зидан мураббийлик вазифасига қачон қайтиши ҳақида айтиб ўтди.

— Мураббийлик либосини соғиняпманми? Йўқ, жуда оз қолди.

— Сизни қачон мураббий сифатида кўрамиз?

— Тез орада, — деди Зидан.

Франциялик мутахассис 2016 йилдан 2018 йилга қадар, шунингдек, 2019 йилдан 2021 йилгача «Реал» бош мураббийи сифатида фаолияти олиб борган.

Мадрид жамоаси билан бирга уч марта Чемпионлар Лигаси, икки марта Ла Лига, икки марта Испания Кубоги, УЕФА Суперкубоги ва худди шунча клублар ўртасидаги Жаҳон чемпионатида зафар қучган.

Аввалроқ Зидан Франция терма жамоасини бошқариш ниятида экани ва шу сабаб кўплаб клублар таклифини рад этгани хабар қилинганди.