Роналду ва “Ан-Насср” суперкубок финалида мағлубиятга учради

Футбол бўйича Саудия Арабистони суперкубоги финал учрашуви 17 август, шанба куни бўлиб ўтди.

Унда “Ал-Ҳилол” ва “Ан-Насср” жамоалари ўзаро тўқнаш келди. Учрашувнинг биринчи тайм охирги дақиқаларида Криштиану Роналду ҳисобни очди. Бўлим мезбонларнинг кичик устунлиги билан якунланди.

Иккинчи бўлимда “Ал-Ҳилол” жамоаси катта куч билан ҳужумга ўтди. Натижада 4 та гол уришга мувафақ бўлди. “Ан-Насср” иккинчи бўлимда гол ура олмади. Шу тариқа “Ал-Ҳилол” 5-бор мамлакат суперкубогини қўлга киритди. “Ан-Насср” эса қаторасига 6-ўйинда ашаддий рақибини енголгани йўқ. Улар сўнгги 6 ўйиннинг бештасида мағлуб бўлган, бир учрашув эса дуранг билан якунланган.

Саудия Арабистони суперкубоги

17 август, шанба

“Ан-Насср”— “Ал-Ҳилол” 1:4

Голлар: 1:0—Роналду (44), 1:1—Милинкович-Савич (55), 1:2—Митрович (63), 1:3—Митрович (69), 1:4—Малком (72).

“Ан-Насср”: Бенту, Ал Ғаннам, Лажами, Лапорт, Теллес, Ал Ҳайбари (Али, 75), Отавио, Яҳё (Ғариб, 26), Талиска (Ан Нажи, 75), Мане, Роналду. 

“Ал-Ҳилол”: Буну, Абдулҳамид, Ат Тамбакти, Кулибали, Лоди (Аш Шаҳрони, 79), Милинкович-Савич, Невеш, Малком (Канно, 79), Микаэл (Ал Қаҳтони, 90+3), Ад Довсари, Митрович. 

Огоҳлантиришлар: Ат Тамбакти (12), Малком (28), Отавио (34), Ад Довсари (77), Ал Ғаннам (87).