Португалиялик ҳужумчи Криштиану Роналду соғлиқни кузатувчи қурилмалар ишлаб чиқаришга ихтисослашган Whoop компаниясининг реклама юзига айланган. Компания мутахассислари бир муддат ҳужумчи билан ишлашди ва унинг турли физиологик кўрсаткичларини ўрганишди.
Тадқиқот натижаларига кўра, Роналду биологик жиҳатдан анча ёш экани аниқланди. Яъни, текширувлардан кейин у айни пайт атиги 28,9 ёшда эканлиги маълум бўлди. Бу ҳақда футболчи Португалиянинг Record нашри билан бўлган суҳбатда маълум қилди.
Тўғриси, бу мен бунчалик яхши ҳолатда эканимни кутмаган эдим. Текширувларда биологик жиҳатдан 28,9 ёшда эканлигимни айтишди. Бу шуни англатадики, мен ҳали яна 10 йил футбол ўйнай оламан, дейди ҳужумчи.
Эслатиб ўтамиз, Криштиану Роналду февраль ойида 40 ёшни қарши олди. Унинг “Ан-Насср” билан шартномаси 2025 йилнинг июнь ойигача амал қилади. Transfermarkt портали ҳужумчининг қийматини 12 миллион еврога баҳоламоқда.
Маълумотларга кўра, Роналду яна икки йил футбол ўйнашни мақсад қилган. У АҚШ, Мексика ва Канада майдонларида ўтадиган жаҳон чемпионатидан кейин карьерасини якунлаши мумкин.
Аввалроқ футболчи Клублар ўртасидаги Жаҳон чемпионатида иштирок этиш учун Марокашнинг “Видад” жамоаси билан шартнома имзолаши мумкинлиги айтилганди.
Изоҳ (0)