Роналду трансферидан кейин “Ан-Насср” 8 та турнирда мағлуб бўлди

Футбол бўйича Саудия Арабистони Суперкубоги финалида “Ан-Насср” 16 август, шанба куни “Ал-Ҳилол”га қарши баҳс олиб борди.

Учрашувда “Ал-Ҳилол” 4:1 ҳисобидаги ғалабани расмийлаштириб, кубок соҳибига айланди.

“Ан-Насср” ҳужумчиси Криштиану Роналду 2022 йилнинг охирида клубга ўтганидан буён 8-турнирида мағлубиятга учрамоқда.

Ўтган мавсумда жамоа Осиё Чемпионлар Лигасидан чиқиб кетганди, Саудия Арабистони Суперкубоги ярим финалида ҳамда Саудия Арабистони Қирол Кубоги финалида “Ал-Ҳилол”га имкониятни бой берган, чемпионатда эса иккинчи ўринни эгаллаган эди. 

Роналду трансферидан буён “Ан-Насср” битта соврин — ўртоқлик турнири ҳисобланадиган Араб чемпионлари клублари Кубогида зафар қучган эди.