Сумка — ҳар бир аёл-қизнинг энг севимли аксессуарларидан бири. Қимматбаҳо сумкалар шунчаки ёрдамчи буюм эмас, балки аёлларнинг ижтимоий мавқейи, диди ва индивидуаллигини намоён этадиган образнинг бир қисмидир. Қуйида дизайнерлар томонидан яратилган ўта қимматбаҳо сумкалар билан танишамиз.
10. Blue Crocodile Hermès Birkin — $150,000
Birkin туридаги Hermès сумкасининг келиб чиқиши озига хос тарихга эга: 1981 йилда Париждан Лондонга учаётган самолёт бортида британиялик актриса ва қўшиқчи Жейн Биркиннинг сумкаси йиртилиб, ичидаги буюмлар ҳар томонга сочилиб кетган. Бу воқеага унинг ёнида ўтирган эркак — Hermès компаниясининг бош директори Жан-Луи Дюма гувоҳи бўлган.
Актриса ҳам замонавий, ҳам мустаҳкам чарм сумкани топишда қийналаётганини Жан-Луига айтиб берганидан сўнг дизайнер янги сумка ишлаб чиқишга илҳомланган. Шу тариқа Hermès Birkin сумкаси яратилган.
Оқ олтин ва 18 каратли олмос билан безатилган мазкур сумка 1978 йилда Лондоннинг Майфаир шаҳрида шахси номаълум харидор томонидан сотиб олинган.
9. Hermès Shiny Rouge H Porosus Crocodile Birkin Bag — $203,150
Мазкур сумкага 18 каратли оқ ва қизил бриллиантлар билан безак берилган бўлиб, 1937 йилда француз дизайн уйида Тhierry Hermès томонидан асос солинган.
8. Fuchsiа Diamond-Studded Hermès Birkin — $222,000
18 карат олмос ва оқ олтин билан безатилган ёрқин пушти сумка ҳақиқий тимсоҳ чармидан ишланган.
7. Chanel “Diamond Forever” Handbag — $261,000
Тимсоҳ терисидан ишланган ва умумий қиймати 3,56 карат 334 дона олмос билан безатилган Chanel мода уйининг классик сумкаси. Оқ рангли Chanel аксессуарининг тутқичи марварид билан безатилган ва 18 каратли оқ олтин билан қопланган. Мазкур модель 13 дона нусхада ишлаб чиқарилган.
6. Niloticus Crocodile Himalaya Birkin—$379,000
Hermès’нинг навбатдаги сумкаси камёб оқ тимсоҳ терисидан қилинган. Сумка кўриниши Ҳимолай тоғларининг қорли манзарасига ўхшаши учун бир неча соат давомида бўялган. У 18 каратли олтин ва 240 дан ортиқ олмос билан қопланган. 2017 йилнинг май ойида сумка Гонконгдаги Christies аукцион уйида сотувга қўйилган ва Himolaya Birkin барча жаҳон рекордларини янгилаб, 379 000 долларга сотилган. Ким Кардашян, Виктория Бекҳэм ва Женнифер Лопес каби машҳурлар мазкур сумкани харид қилишган.
5. Lana Marks Cleopatra Clutch — $400,000
Lana Marks Cleopatra клатчининг нархи 100 000 дан 400 000 долларгача. Дизайнерлик уйи ҳар йили фақат битта янги сумка ишлаб чиқади ва уларнинг ҳар бири ранги ва дизайни билан фарқ қилади.
Бугунги кунда хитойлик актриса ва қўшиқчи Ли Бингбинг энг қиммат Клеопатра сумкасига эгадир. Лана Маркс ва дизайнерлар унинг либосига мос келиши учун сумкани умумий қиймати 40 карат бўлган 1600 та оқ олмос билан безаган.
4. Hermès Chaine d’Ancre Bag — $1.4 миллион
Фақат уч дона нусхага эга мазкур ғайриоддий сумка дизайни қамоқхона мавзусида бўлиб, занжирлар ва безаклар 1160 дона олмосдан иборат.
3. Hermès Birkin by Ginza Tanaka — $1.9 миллион
Япониялик дизайнерлар томонидан ишлаб чиқилган мазкур Birkin клатчи 200 дона олмос билан безатилган. Унинг марказий қисмида нок шаклидаги 8 каратли олмос ўрнатилган бўлиб, уни ечиб олиш ва алоҳида аксессуар безак сифатида тақиш мумкин.
2. Hermès Kelly Rose Gold — $2 миллион
12 та нусхада яратилган мазкур сумка 1160 та олмос билан безатилган ва тимсоҳ терисини эслатувчи пушти олтиндан ясалган.
1. Mouawad 1001 Nightс Diamond Purce — $3.8 миллион
Ливаннинг ҳашаматли буюмлари ишлаб чиқарувчи Mouawad компанияси дунёдаги энг қиммат буюмлар бўйича беш маротаба Гиннес рекордлари китобига киритилган. Ушбу ҳамён жами 4517 та олмосдан (105 та сариқ, 56 та пушти ва 4 356 та оқ олмос) иборат. Уни яратишга 8800 соат вақт кетган.
Изоҳ (0)