Дам олиш кунларини мароқли ўтказмоқчи бўлганлар учун қизиқарли сериаллар кўриш ажойиб имкониятдир. Бироқ кўпчилик сериаллар сценарийси жуда кўп қисмлардан иборат бўлади. Қуйида қисқа, қизиқарли ва рейтингларда юқори ўринни эгаллаган мини-сериаллар тўплами билан танишамиз.
“Чернобиль” (2019)
38 йил аввал Россияда инсоният тарихида ўчмас из қолдирган машъум воқеа содир бўлган. Чернобилдаги атом электр станциясининг портлаши минглаб инсонларни ҳаётдан олиб кетган ва майиб-мажруҳ қилган.
Мазкур воқеаларга асосланган “Чернобиль” сериали портлашдан сўнг омон қолганлар ва ўша вақтда раҳбарлик лавозимларида ишлаган инсонлар ҳикоялари асосида суратга олинган. Сериалда улар воқеалар қай тарзда ривожлангани ҳақида ўз фикр ва хотиралари билан бўлишади. Сериалда АЭС лойиҳаси бошданоқ хато бўлгани, у ердаги ишчи ходимлар белгиланган нормалар ва хавфсизликка амал қилмагани, раҳбарият эса бунга эътиборсиз бўлгани ҳамда даҳшатли портлаш қандай оқибатларга олиб келгани ҳақида ҳам сўз боради.
“Қироличанинг юриши” (2020)
Netflix томонидан суратга олинган “Қироличанинг юриши” сериали 7 қисмдан иборат бўлиб, иқтидорли Бет Хармон исмли қиз ҳақида ҳикоя қиладиган психологик триллердир.
Сериалдаги воқеалар 1950 йилларда содир бўлади. Бета исмли қиз оиласида катта фожиа юз берганидан кейин уни Кентуккидаги болалар уйига ташлаб кетишади. Тақдирнинг барча қийинчиликларига қарамай, қизалоқ ақлий қобилиятини йўқотмайди ва кейинчалик шахмат бўйича ноёб истеъдодини намоён эта бошлайди. Бироқ Бета гиёҳванд моддаларга ружу қўяди ва қарамликдан қутулиш учун кўплаб саргузаштларни бошидан кечиради.
“Берлин” (2023)
Мазкур сериал “Қоғоз уй”нинг мантиқий давоми бўлиб, унда Берлин исмли қаҳрамон ҳақида ҳикоя қилинади. Қаҳрамон эгоистик характерга эга дунёдаги энг хавфли ўғрилардан биридир. Сериалда у бутун умри давомида энг йирик ўғриликни амалга оширишга — Париждаги йирик аукцион уйидаги 44 миллион евролик қимматбаҳо тақинчоқларни олиб чиқиб кетишга уринади. Берлин ўз режасини амалга ошириш учун унга ёрдам бера оладиган бир нечта мутахассисни ёллайди. Уларнинг орасида электроника бўйича профессионал мутахассис Кайла, қулфларни бузувчи Рой, коллеж профессори Дамиан ва устасифаранг Брюс бўлади.
Изоҳ (0)