Жанубий африкалик рассом Марлен Дюманинг асари аукционда 13,6 миллион долларга сотилди. Бу воқеа ҳозирда ҳаёт бўлган аёл рассомлар орасида янги нарх рекордини ўрнатди, деб ёзади CNN.
“Miss January” (“Январь хоними”) асари Christieʼs аукцион уйи томонидан сотувга қўйилган эди. Унинг ўлчамлари 9,25 фут (2,82 метр) баландликда. Чристиэъс XXI аср санъати сотиш бўлими раҳбари Изабелла Лауриа, ўтказилган аукциондан ва эришилган “ақл бовар қилмайдиган” нархдан мамнун: “Биз бу савдо натижаларидан жуда хурсандмиз”. Дастлаб аукцион уйи асарнинг нархи 12 дан 18 миллион доллар оралиғида бўлишини кутган эди.
1997 йилда яратилган “Январь хоними” асари Дюманинг 30 йил олдин, ўн ёшида яратган “Miss World” (“Дунё хоними”) асарининг ўзига хос қайта талқини бўлиб, унда бир нечта моделнинг шакллари тасвирланган. Ҳозирда Марлен Дюма дунёдаги энг нуфузли рассомлардан бири деб тан олинган.
Изоҳ (0)