Англиянинг “Тоттенҳэм” клуби Жанубий Корея терма жамоаси етакчиси Сон Ҳён Мин билан хайрлашгач, “Реал Мадрид” футболчиси Родриго Гоэс трансферига жиддийроқ қизиқа бошлади. Бу ҳақда Испаниянинг АС нашри хабар бермоқда.
Лондон клуби Сонга йилига 11 миллион евродан ортиқ маош тўлаб келган. У жамоани тарк этгач, клуб раҳбарияти ушбу маблағни Родригонинг иш ҳақи сифатида тўлашни режалаштирмоқда.
“Тоттенҳэм” устози Томас Франк эса бразилиялик футболчига асосий таркибдан жой кафолатланишини ваъда берган.
Родригонинг “Реал”ни тарк этиши мумкинлиги ҳақидаги хабарлар бир оз аввалроқ тарқалганди. Сабаби “қироллик клуби” устози Хаби Алонсо унга тўлиқ ишонч билдирмаганди. Ушбу ҳолат ортидан футболчининг ўзи ҳам “қаймоқранглилар”ни тарк этишга тайёр. Мадрид клуби эса бу трансфердан максимал даромад олишни кўзламоқда.
- Маълумот учун, 2024/25 йилги мавсумда Родриго барча мусобақалар доирасида жами 54 та ўйинда майдонга тушиб, ўз ҳисобига 14 та гол ва 11 та голли узатма ёздириб қўйган. Унинг “Реал” билан шартномаси 2028 йил ёзигача амал қилади. Transfermarkt портали Родригонинг трансфер қийматини 90 миллион еврога баҳоламоқда.
Изоҳ (0)