Америка фуқаролари дунёдаги энг касалманд миллатга айланди. Бу ҳақда 30 июнь куни Америка Қўшма Штатлари соғлиқни сақлаш вазири кичик Роберт Кеннеди маълум қилди.
Унинг айтишича, Американинг суғурта ва фармацевтика компаниялари, шифохоналар ва шифокорларнинг ўзлари “касалликларни давом эттиришдан” даромад олишади. Шу билан бирга, кўпинча тиббиёт ходимлари ўқиш учун олинган кредитларни тўлай олиш учун ушбу тизимга мослашишга мажбур бўладилар.
“Соғлиқни сақлаш тизимининг ҳар бир жиҳати биз америкаликлар касал бўлишимизга қаратилган ва ҳозирда биз дунёдаги энг касал миллатмиз”, деди у америкалик журналист Такер Карлсон билан суҳбатда.
Кичик Кеннедининг таъкидлашича, 20 йил олдин шифокорларнинг атиги 20 фоизи корпорацияларда ишлаган бўлса, бугунги кунда уларнинг сони 80 фоизга етган. Бу тиббиёт компаниялари томонидан қўлланиладиган “мураккаб рағбатлантириш усуллари” билан боғлиқ бўлиб, улар бутун тизимни ҳаракатга келтириш учун зарурдир.
Lancet илмий журнали 2024 йил ноябрь ойида Билл ва Мелинда Гейтс жамғармаси кўмагида ўтказилган умумий тадқиқотни эълон қилди. Унга кўра, АҚШ аҳолисининг 75 фоизи ортиқча вазн ёки семизликдан азият чекади.
Ҳисоботда қайд этилишича, 2021 йилда 25 ёшдан бошлаб катта ёшли аҳолининг деярли тўртдан уч қисми ортиқча вазнга эга бўлган. Шу билан бирга, аниқлик киритилишича, 1990 йилда ортиқча вазнга эга бўлган америкаликларнинг атиги 50 фоизи аниқланган эди.
Изоҳ (0)