Европа комиссияси келажакда жорий этиладиган ETIAS тизими доирасида Европа Иттифоқи мамлакатларига кириш учун рухсатнома нархини оширишни таклиф қилди.
ETIAS’нинг мақсади Иттифоқ ташқарисидан келганлар устидан назоратни кучайтириш ва маъмурий тартиб-қоидаларни соддалаштириш орқали давлатлар хавфсизлигини кучайтиришдан иборат. 2018 йилда қабул қилинган регламентга кўра, ETIAS тизими орқали бериладиган рухсатнома 3 йилга амал қилади ва дастлаб унинг нархи 7 евро этиб белгиланганди.
2018 йилдан бери инфляциянинг ўсиши ва қўшимча операцион харажатлар, масалан, тизимга интеграция қилинган янги техник функциялар билан боғлиқ харажатларни ҳисобга олган ҳолда, йиғим 20 еврогача ўзгартирилади, дея таклиф қилмоқда Еврокомиссия.
Бу сумма тахминан Буюк Британия ва АҚШдаги шунга ўхшаш йиғим нархига тенг экани айтилган. Еврокомиссия таклифи ҳали Европа Кенгаши ва Европа парламенти томонидан тасдиқланиши керак. Агар маъқулланса, ETIAS тизими ишга туширилиши биланоқ йиғим ундирила бошланади, бу 2026 йил охирида амалга оширилиши кутилмоқда.
Европанинг ушбу 30 та давлатининг визасиз саёҳатчилардан ETIAS рухсатномасига эга бўлиш талаб этилади:
Марказй Осиё давлатлари, хусусан, Ўзбекистон фуқароларидан эса ETIAS саёҳат рухсатномаси талаб этилмайди. Келажакдаги кириш-чиқиш тизими (EES) Европа Иттифоқига саёҳат қилувчи шахсларнинг унинг ҳудудида бўлишини қайд этиш мақсадида электрон маълумотлар базасини яратишни кўзда тутади. Бу тизимнинг ишга туширилиши 2025 йил охиригача босқичма-босқич амалга оширилади.
Изоҳ (0)